慌失失日記

完全唔知做乜

Joanne — Thu, 12 Jan 2012 15:40:37 +0000

哩個禮拜根本就係唔想做嘢，極度唔專心，做嘢馬虎。起初以為係因為星期日的政治活動；但到星期二同三，哩種感覺都重係度時，就唔可以再賴嗰日的活動。

但，究竟係因為咩，我都唔知道。

可能係，我好想係情感上多一點點，以就一心不能二用。

如果真係咁，我會好大鑊！

Joanne — Wed, 28 Dec 2011 17:20:02 +0000

哩個聖誕假見咗兩個中學同學，都會浮現一個假設：無讀過大學，心裏面真係有好多限制？

我唔明，點解要做受害者？我唔明，點解要委屈自己？點解你唔反擊？點解你唔畀d顏色人哋睇？呻，係無用架！

燕珊話，可能係性格關事d；但我諗，可能係哩種怕事的性格令佢哋唔可以成功衝破考大學嗰關。

唉，但同時，我知道，佢哋一世都會呻！

附：事後再同陳欣欣，講起我哋的朋友中，都有無讀到大學的朋友，但都唔會係咁。佢都覺得係性格使然。

我只希望，每個人可以開心過每一日。

Joanne — Mon, 26 Dec 2011 11:22:42 +0000

那時決定了回鄉參加二舅母的喪禮時，媽媽無意識地說了一句「你總是參加喪禮；反而弟弟總是參加婚禮！」自始之後，我便開始對自己對別人的「吸引力」細細思量。

的確，我總是吸引到別人我說他們的慘事：不開心，生活不如意，家人過身，自我懷疑，都會找我訴苦。反而，開心的，有趣的，就沒有很多人記得起我。

我開始對此有點不滿。

但這兩天在家中「宅」，看盡了自九月來便沒有看文章，便無故地想起一點一滴的片段，便又特然明白，其實都是有跡可尋。

那是因為我很會回應傷心事；但不懂得開心事做反應，總是輕輕帶過，給人沒有反應的感覺。

好！我要改！下次有人要跟我分享開心事，我要停下來，細細聽！

Joanne — Sun, 25 Dec 2011 13:57:02 +0000

讀着別人(史話綿綿)的週年回顧，便想寫寫自己的了。

今年，我的生活算是很如意的呢:)

一、今年我似乎更知道怎樣做一個老師。

二、今年試了對不同的人給不同的愛！給我愛過的人，都應該覺得……舒服吧！

三、今年學會理直氣壯地同人吵！這個我是很自豪的。

四、今年對上網的需求好大！又ipad2又新電話。現在回想起來，又覺得有點不可思議！

五、今年的旅行，是有別於之前的：今次我覺得自己走得很成熟，亦很知道自己想要什麼。來年希望可以去東歐或南美！

六、今年很會控制情緒！這絕對是一贊！

七、今年用錢的氣量大得很！不知是好是壞。

八、今年開始不再輕易信人。自覺比從前有智慧得多！

好像差不多了！

2012年﹐我要過得更好!!!

Joanne — Sat, 24 Dec 2011 03:56:49 +0000

哩個假期，我要「的」起心肝改變自己！

要知道，真正明白一個道理，一個同你由細到大知道的概念相違背時，係需要好長好長的時間——講緊的係幾年！我知我係要對自己好，花時間在自己身上是應該的；我知；但到實際做的時候，就唔知點解唔記得咗，或者係有其他嘢令我唔得自己好緊要。

痛定思痛後，係時候做嘢啦！

睇住啦！我要改頭換面！:)